மெ‌ய்‌ப்‌பொ‌ருள்‌

அமெரிக்க தமிழ் தம்பதி கிருஷ்பாலா-அனுஷா. கிருஷ்பாலா டாக்டராகவும் அனிஷா நிருபராகவும் பணி யாற்றுகின்றனர். கிரிஷ் நண்பராக அறிமுக மாகிறார் குமார். இவர் நடக்கப்போவதை முன் கூட்டியே சொல்கிறார். கவர்னர் மகன் கடத்தல் கிரிஷ் செய்ய போகும் ஆபரேஷன் தோல்வியாகும் என்பதெல்லாம் பலிக்கிறது. குமார் மேல் கிரிஷ் பாலாவுக்கு நம்பிக்கை பிறக்கிறது.

ஒரு கட்டத்தில் ஆகஸ்டு 10-ந்தேதி நீ செத்து விடுவாய் உன் மனைவியே உன்னை சாகடிப்பாள் என குமார் குண்டு தூக்கி போட அதிர்ச்சியாகிறார் கிரிஷ். நிம்மதியிழந்து தினம் தினம் சாவை நினைத்து அஞ்சுகிறார்.
கிரிஷ் பிழைத்தாரா? என்பது பரபரப்பான கிளைமாக்ஸ்...

அமெரிக்க பின்னணியில் அடுத்த என்ன என்ற ஆர்வம் பீறிட வைக்கும் காட்சிகளுடன் விறு விறுப்பாக கதையை நகர்த்துகின்றனர் இயக்குனர்கள் நட்டிகுமார், கிரிஷ்பாலா.

தமிழ் தம்பதியின் குழந்தையை பார்த்துக் கொள்ள வரும் வெள்ளைக்காரப் பெண் திடும்மென பெற்றோரை இரும்புக்கம்பியால் தாக்கி குழந்தையை கடத்தும் ஆரம்பமே திகில்... பத்திரிகை நிருபர் அனுஷா, போலீசுக்கு தகவல் கொடுத்து அப்பெண்ணை சிக்க வைப்பது திருப்பம்...

கவர்னர் மகன் கடத்தப் படுவான். ஆபரேஷனில் நோயாளி சாவார் என குமார் சொல்வது அப்படியே பலிக்க கிரிஷ் "ஷாக்" ஆவது எல்லோருக்கும் பரவுகிறது. கிளைமாக்ஸ்சில் வில்லன் யார் என தெரியும் போது தூக்கி வாரிப்போடு கிறது.

அறுவை சிகிச்சை செய்து கொள்ள வரும் பிரபல நடிகருடன் அனுஷாவை பழக்கப்படுத்தி அவர் மேல் சந்தேகத்தை வலுப்படுத்தும் சீன்கள் அழுத்தமானவை...

நடப்பதை முன்கூட்டி சொல்பவராக வரும் குமார் அப்பாவித்தனமாக பளிச்சிடுகிறார். கிளைமாக்சில் அவரது சுயரூபம் உடைபடுவது திடுக்கிட வைக்கிறது.

பத்திரிகை நிருபராக வரும் அனுஷா பாத்திரத்தில் ஒன்றுகிறார். தான் எடுத்த நடிகரின் பேட்டி தனக்கு தெரியாமல் பத்திரிகையில் பிரசுரமானதை கண்டு தவிப்பது... கணவன் நடத்தைகளில் வித்தியாசம் பார்த்து குழம்புவது... என முகத்தில் வித்தியாச உணர்வுகளை கொட்டு கிறார்.

கிரிஷ் நண்பராக வரும் நாராயண், அவர் காதலியாக வரும் ராணி, நடிகராக வரும் சுரேன் விஷயகுமார் பாத்திரங்களும் கச்சிதமாக செதுக்கப்பட்டுள்ளன.
அனுஷாவை நேரடியாக பழி தீர்க்காமல் கணவனை மன நீதியாக குழப்பும் வில்லன் நடத்தைகளில் அழுத்தமான காரணங்கள் இல்லாதது சறுக்கல்...

அமெரிக்காவை அப்படியே அள்ளி வரும் கிரிஷ் எல்டிரிஜா ஒளிப்பதிவு, ஜான் மேஷாய் இசை படத்தை தூக்கி நிறுத்துகின்றன.