நிறுவனம்: ஸ்ரீ லட்சுமி பிரசன்னா பிக்சர்ஸ்
தயாரிப்பு: லட்சுமி மஞ்சு
தயாரிப்பு: லட்சுமி மஞ்சு
நடிப்பு: மனோஜ், ரியாசென், சினேகா உல்லால், நாசர், பிரமானந்தம்,
இயக்கம்: அஜய்சாஸ்திரி இசை: தரன
இயக்கம்: அஜய்சாஸ்திரி இசை: தரன
பாடல்கள்: நா.முத்துகுமார்,
மக்கள் தொடர்பு: டைமண்ட் பாபு
தெலுங்கு நடிகர் மோகன்பாபுவின் மகன் மனோஜ் நடித்து உள்ள படம், ''என்னை தெரியுமா?''. தூங்கி எழுந்தால் அவருக்கு யார் என்றே தெரியாது. எதிரில் உள்ள விளம்பர போர்டில் எழுதப்பட்டிருக்கும் வாசகங்கனை படித்து டேப்பை ஆன் செய்து அவரைப் பற்றி தெரிந்து கொள்வார்.
அவர் கார் பார்க்கிங்கில் அவரது கார் எது என்பதை கார் சாவியின் பட்டன் சொல்லும். வேலைக்கு போகும் வழியை காரில் உள்ள டேப் சொல்லும். அலுவலகத்தில் அவரது இருக்கை, அவரது காதலி என எல்லாவற்றையும் அவரது திறமையான பேச்சால் தெரிந்துகொண்டு போய் அமர்வார். பேசுவார். சில சமயம் தான் என்ன பதவியில் இருக்கிறோம் என்றே தெரியாது. மற்றவர்களிடம் போட்டு வாங்கி தெரிந்து கொள்வார்.
ஒருநாள் அவருக்கு உதவும் டேப் வேலை செய்யாது. அதனால் தவித்துப் போவார். அது போதாது என்று அவர் அவரது முதலாளியை கொலை செய்துவிட்டதாக கைதாகிறார். அவர் யார் என்றே தெரியாமல் அந்த கொலையை எப்படி செய்தார் என்பதற்கும் பதில் சொல்ல வேண்டிய நிலை. அதை எப்படி தெரிந்து கொள்கிறார் மீள்கிறார் என்பது மீதி படம்.
மனோஜ் ஆட்டம், பாட்டம், அப்பாவி நடிப்பு என முதல் படத்தில் பலமாக முத்திரை பதிக்கிறார். ரவுடிகள் துரத்தும் போது கட்டிம் கட்டிடமாக தாவித்தாவி ஓடும் காட்சியிலும் வியக்க வைக்கிறார். பாடல் காட்சியிலும் அபார திறமை தெரிகிறது. தாய் எட்டடி பாய்ந்தால் குட்டி பதினாறடி பாயும் என்று சொல்வார்கள். கட்டிடம் ஏறி குதித்து ஒடும் காட்சியை பார்க்கிற போது மனோஜ் முப்பத்திரெண்டு அடி கூட பாய்வார் போல. இது தானே வளர்ச்சி.
நல்ல பொண்ணு மாதிரி இருந்து கெட்ட பெண்ணாக ரியாசென், கிளாமராக நடித்திரக்கிறார். ஸ்நேகா உல்லால் பார்க்கும் பார்வையே போதை ஏத்துகிறது. பாடல் காட்சியில் தியேட்டரை குலுங்க வைக்கிறார்.
பரபரப்பான படு வேகமான திரைக்கதை. அதை எதிர்பார்ப்போடும் சுவாரஸ்யம் குறையாமலும் படமாக்கியிருக்கின்றனர் இயக்குநர் அஜய்சாஸ்திரி. தரனின் இசை படு சூப்பர். நா.முத்துகுமாரின் வரிகள் மனதுக்கு இதம். ''நீனு மீக்கு தெல்சா'' - தெலுங்கு படத்தை தமிழுக்கு தயாரித்திருக்கிறார் மோகன்பாபு மகள் லக்ஷ்மி மஞ்சு.
No comments:
Post a Comment